{شريف} ...::| صاحب الشركه |::...
تاريخ الإنضمام : 16/02/2011 الإقامة : العمر : 35 المشاركات : 1407 قوة السمعة : 2 اسم موقعى : شركة شريفكو اصدار المنتدى : © phpBB2
| موضوع: تريكة والثورة الثلاثاء مارس 08, 2011 5:05 pm | |
| السلام عليكم ورحمة الله وبركاتة ازيكو يا جماعة اية الاخبارالحمد لله طب الحمد لله خير [ندعوك للتسجيل في المنتدى أو التعريف بنفسك لمعاينة هذه الصورة]بناء علي طلب الاعضاء والمشرفين وبي الحاح شديد حلوة الحاح دي [ندعوك للتسجيل في المنتدى أو التعريف بنفسك لمعاينة هذه الصورة]المهم هقدملكوو انهاردة يومياتي في الثروة قصدي في الثورة [ندعوك للتسجيل في المنتدى أو التعريف بنفسك لمعاينة هذه الصورة]المهم كان يا مكان يا سعد يا اكرام ادة سعد مين سعد ابويا مين الي بيجيب سيرة ابويا يا بشر ادة دة انا [ندعوك للتسجيل في المنتدى أو التعريف بنفسك لمعاينة هذه الصورة]المهم كان يا مكان يا سعد يا اكرم ولا يحلي الكلام الا بذكر النبي علية الصلاة والسلام قولو علية الصلاة والسلام قولو قولو طيب مش كاتب لغايت متقولو ايوة كدة [ندعوك للتسجيل في المنتدى أو التعريف بنفسك لمعاينة هذه الصورة]المهم من زماااااااااااااااااااااااااااااان اوي وتحديدا 25 يناير 2011 [ندعوك للتسجيل في المنتدى أو التعريف بنفسك لمعاينة هذه الصورة]كنت اعد زي كل الناس اعد بتفرج علي التلفزيون المصري بتعنا اصلو 21 بوصة فا اكني قاعد في السيما [ندعوك للتسجيل في المنتدى أو التعريف بنفسك لمعاينة هذه الصورة]بشوف اية احول الحجات الي كانو بيقولو عليها في الفيس بوك مظهارات 25 ينايرالمهم سمعت في التلفزيون والنت بردو ان مفيش حاجة ولا مظاهرات ولا حاجة دة بيقبضو علي الناس وبيقولو انهم مجانين كانو فكرين ان فية مظاهرات كنت بصراحة خايف اوي انزل لحسن اتظبت واروح امن الدولة خصوصا ان امي منقبة واختي منقبة وابويا ملتحي فا هيقولو علينا عيلة ارهبية [ندعوك للتسجيل في المنتدى أو التعريف بنفسك لمعاينة هذه الصورة]المهم قعت اتفرج كالعادة علي التلفزيون المصري ومسؤلين قصدي حرمية بيقولو كل شي تمام ومفيش مظهارت وكلو تمام المهم قلت اكيد انهاردة وخلاص كلو شي هيرجع زي مكان المهم فاتت 25 و26 و27 وجة يوم 28 او يوم جمعة الغضب لقيت صحبي بيتصل بيا الساعة 10 الصبح وابويا رد وقلي قوم كلم صحبك قمت كلمتوقلي ايوة يا ابن حميدو اصل انا في الشارع اسمي ابن حميدو [ندعوك للتسجيل في المنتدى أو التعريف بنفسك لمعاينة هذه الصورة]المهم قلي احنا ريحين التحرير وهتيجي اساسي معانا قلتلو لا يعم انا مش مستغني عن عمري قلي انتا معندكش دم يااااض انتا مش مصري هتيجي يعني هتيجي انتا عجبك البلد المهم سخني قلتلو خلاص اناجاي معاكوو قلي خلاص هنصلي في الجامع الي عندنا وهنروح قلتلو اصلي قلي بس البس لبس عادي مش خروج يعني متلبسش بنطلون جينز قلي البس لبس عادي عشان طبعا لما نجري من الامن المركزي المهم قفلت لقيت ابويا بيقلي اية صحبك عوزك في اية قلتلو وانا فرحان بقا وفكرو هيحضني قلتلو انا رايح التحرير يا باباقلي نعم يا خويا تحرير مين وبتاع مين انتا عاوز تموتني انا وامك بحسرتنا عليك وزعق جامد فا امي صحيت علي صوت ابويا مهو ابويا لما بيزعق مش بيصحي الشقة دة بيصحي البيت كلو [ندعوك للتسجيل في المنتدى أو التعريف بنفسك لمعاينة هذه الصورة]المهم امي قالت فية اية قلها بصي ابنكعاوز يروح التحرير عاوز امن الدولة يخبطو علي الباب امي قالت متخلية يروح قلها يروح ازاي قلتلو خلية يروحيعبر عن رايو قلها الواد دة مينزلش من البيت ويصلي الجمعة في البيت المهم امي قلتلي البس وانزل وملكش دعوة نزلت وصليت الجمعة ووقبلت صحابي وركبنا التحرير سبحان الله وصلنا بي كل سهولة ووصلنا التحرير نزلنا عن موقف عبد المنعم رياضالمهم قعدنا نهتف عادي الشعب يريد اسقاط النظام الشعب يريد اسقاط النظام عادي وكانت ناس كتير جدا كل واحد في نحية لحد ملقينا امن مركزي وشرطة بتجري ورانا والله يا جماعة لفيت وسط البلد دي جري من الساعة 2 لغايت الساعة 7 عمالين نجري من الشرطةوالامن المركزي لفيت وسط البلد دي جري لغايت مجة لحطة القنابل المسيلة للدموع بجد بجد يا جماعة انا عمري مهقدر اوصفلكوو هيا شديدة اوي ازاي لدرجة اني اغمي عليا اول مرة في حياتي يغمي علية من شدتها واحنا بنحدف عليهم طوب مرة واحدة لقيت دخان مدرتش بنفسيالناس افتكرتني موت [ندعوك للتسجيل في المنتدى أو التعريف بنفسك لمعاينة هذه الصورة] بس والله كان نفسي بس قدر ربنا بقا الحمد لله علي كل شي ولقيت زعيق والله اكبر انا بصراحة صحيت من الخضة [ندعوك للتسجيل في المنتدى أو التعريف بنفسك لمعاينة هذه الصورة]لقيت الناس بتقول الحمد لله دة لسة عايش وناس عمالة تقلي حمدلله علي السلامة يا بطل والي بيديني مية ووحدة زي القمر بصراحة ووحدة زي القمر بصراحة ادتني عصير طعموو لسة في حنكي لغايت دلوقتي [ندعوك للتسجيل في المنتدى أو التعريف بنفسك لمعاينة هذه الصورة]وكملنا اليوم وكان بصراحة يوم فظيع فظيع فظيع ونهتف وهما يحدفو نهتف وهما يحدفو وشفت الرصاص المطاطي بس مخدش طلقة منو مجربتشو يعني [ندعوك للتسجيل في المنتدى أو التعريف بنفسك لمعاينة هذه الصورة]بس بصراحة كان احلا يوم في حياتي الواحد حس انو مصري بجد روحنا وانا مروح انا وصحابي بعد ما روحنا وطلعت البيت قلت مش هخلص من الزعيق انهاردة المهم فتحت الباب ودخلت لقيت ابويا قاعد يتفرج قلت ينهار ابيض دة اكيد اتفرج وشاف الناس بتضرب وهموت انهاردةلقيتو بيقول ادة احمد البطل جة استغربت جامد قلي تعلا يا بطل قعد حضني وقلي احكيلي عملت اية انهاردة قعت احكيلو بقا علي يومي الي حصلبس دة كان اول ايامي في الثروة يووووووووووووة قصدي الثورة انتظرو ان شاء الله ايام جديدة من الثورة مع اخوكم احمد سعد الشهير لي abu trekaوالسلام عليكم ورحمة الله وبركاتة | |
|