{شريف} ...::| صاحب الشركه |::...
تاريخ الإنضمام : 16/02/2011 الإقامة : العمر : 35 المشاركات : 1407 قوة السمعة : 2 اسم موقعى : شركة شريفكو اصدار المنتدى : © phpBB2
| موضوع: بيبرس والثورة الثلاثاء مارس 08, 2011 4:35 pm | |
| السلام عليكم
بصو بقي هيا ايام ميعلم بيها الا ربنا
وانا اساسا تعبان ومخنوق وبتحصلي ظروف عنب
محدش يركز مع كلامي بقي
اول يوم كان الجمعة 28
نزلت الشغل
بعدين قولت لبابا انا مروح
قالي يا اسلام لو رايح المظاهرات
متروحش البيت قولتلة يا بابا مانت عارف اني مؤيد هروح اعمل ايية قالي خلاص بس عشان تبقي علي علم بس
عشان مش ناقصين أمن الدولة ينطولنا في البيت
بابا خايف علي نفسة من أمن الدولة ومش خايف اروح لتعور
ابهات اخر زمن
مشيت بقي روحت رايح مع الناس
في الاول كنت مش متحمس قولت برضو هروح اتفرج من بعيد زي الواد ميدو
روحت مع الهتافات لقيت نفسي بقول معاهم وبتقدم الصفوف كمااان
لقيت واحد جاي بيقولي فريدر فريدر
وعمال يلف علي الناس ويقولهم قولو فريدر
قصدة فريدوم
freedom
روحت قايل معاهم فريدر فريدر
مشيت شوية الحكومة ضربت علينا قنابل مسيلة للدموع
والناس كلها بقيت مرهفة الحس وعمالين يعيطو
وحالات اغماء كأنها حفلة لمايكل جاكسون
والي ماسك بيبسي وعمال يغسل بيها وشة والي ماسك خل وبيرش علي عنية وبصل يع يع
كان هيعمل طبق سلطة علي وشطة
ومشينا والحكومة ضربت علينا رصاص مطاطي
وطلعت اجري بقي ورجعت تاني روحت عند واحد صحبي في الاوبرا
قابلني وروحنا نروح
مشنا من منطقة الحسين والازهر وهناك كانت معركة دموية
اضرب علينا نار والظابط جري ورانا الكلاب
وصلت البيت بعد عناء
روحت قابلت اصحابي في الشارع
كل واحد قعدت يحكي عمل اية في اليوم دة
بعدين روحنا نلعب بلاي ستيشن ساعة لوطنك وساعة لقلبك بقي
وبعدين النت والموبيل مفصلوين علينا
فضلنا نلعب بقي لحد باليل
بعدين روحنا قعدنا عن بيت واحد صاحبنا
سمعنا طرطايش كلام ان العيال البلطجية جايين علي الشارع عندنا
طلعت اجري انا وصحبي زي الهبل في الشارع وكل محد يشوفنا يجري علي بيتة
وعملنا رعب للشارع بتاعنا
شوية ناس افتكرو اننا احنا ابلطجية وشوية تانين قالو دول بيجرو من البلطجية
المهم عرفنا الشارع كلة ان البلطجيو جايين عي هنا
وفجأة الشارع كلة ضلم والشباب بقو في الشارع بعدين طلعت جبت عصاية كدة
ونزلت تحت بيتنا مع شارع الكفاح الشعبي
ونزلنا نحمي بيوتنا زينا زي بقي الناس
بعدين الساعة جات 1 طلعت بقي عشان اقول لبابا اني روحت المظاهرات بدال ميعرف لوحدة ويبقي حواار زعق شوية بعدين قالي خد بالك بس من نفسك الايام دي
وفضلت اتفرج علي الجزيرة شوية وبعدين نمت بقي
وخلص اليوم علي كدة
منقوله
| |
|